話說8月嘅時候泰國四面佛廟發生爆炸案，《端傳媒》記者關學津就因為攜帶避彈衣進入泰國而畀人拉。

8月25號嗰日，幾時宦將市民安全放喺第一位嘅689同志話已經即時向外交部反映特區政府對事件嘅關注。

但係到咗噚日關學津被泰國警方正式起訴之後呢，祖國嘅外交部發言人華春瑩竟然話佢第一次聽到呢件事呀！

今日奶媽都有回應事件呀，但佢就淨係有講保安局向泰國駐港總領事表達關注，冇提過有同外交部講啵～嗱嗱嗱，毛毛唔係話689同志講大話甩大牙呀，唔通佢用飛鴿傳書同華春瑩講又要話你知咩～

唔知外交部瑩子聽到689咁講，會唔會係咁嘅反應呢？

封面圖片來源：明報、mfa.gov.cn

資料來源：政府新聞網（梁振英）、無綫新聞、政府新聞網（林鄭月娥）