啪啪啪！頭先余文樂證實咗彭浩翔真係會拍《志明與春嬌3》呀！聽講導演話希望下年5、6月可以開拍，而新戲當然會搵返原班人馬啦！另外，因為第3集主要係講志明同春嬌結婚之後，兩代人要面對嘅溝通問題，即係婆媳糾紛囉，所以會加埋志明阿爸阿媽落去?～ 

不過呢個時候......驚世難題出現鳥！嗱，第1集叫《志明與春嬌》，第2集就叫《春嬌與志明》吖......咦，咁第3集應該叫咩名好呀？

既然係咁，毛毛惟有出動自己嘅大腦，幫手諗諗啦：

1.《志嬌與春明》／《春明與志嬌》

根據導演之前改名嘅邏輯，絕對有機會會改呢兩個名！

2.《志明春嬌與老爺奶奶》

既然套戲係講兩代人嘅關係，改呢個名咪夠晒貼切囉～

3.《明嬌之後》

btw，結咗婚唔係唔生返個張家後裔出嚟呀？

4.《明明與乜春》

唉，一講到溝通問題就覺得煩喇，呢個又話自己明明冇錯，嗰個又話唔知你噏乜春，其實最大嘅溝通問題咪就係溝通唔到囉！

其實使咩諗嚟諗去咁煩呀，直接叫《志明與春嬌3》咪算囉......

來源：余文樂 Shawn Yue、新浪新聞