懶係人之常情，有邊個唔想好似蛋黃哥咁日日瞓喎......有人話，識得偷懶嘅人先係聰明人！btw，做過晒下面呢五樣嘢先好同毛毛講你懶呀～

1) 薯片成包倒落口
食薯片食到成隻手都污糟晒，咁得閒去洗手咩，直接倒落口好過啦～既方便，又快捷！

2) 煮完麵直接用個煲嚟食

橫掂都係得自己一個食，仲倒落個碗到先食？傻的嗎......

3) 唔會摺衫、摺被

唉，啲衫摺完咪又係皺，啲被摺完今晚瞓完咪又係亂！

4) 唔出街都唔會洗頭（甚至有時出街都唔洗，戴帽就算）

洗頭沖水又要沖幾次，吹埋頭都唔知要等幾耐，不如瞓多陣啦好嗎？話唔定洗少啲頭、用少啲水，一年可以慳返幾百蚊水費?～

5)唔食有核／要切／塊皮唔食得嘅生果

榴槤有核唔食、橙要切唔食、蕉有皮唔食......嗯，以後淨係食無核提子啦咁。

不過，為咗繼續有薯片、公仔麵同無核提子食，毛毛懶極都仲係要返工嘅，而家咪打緊篇嘢畀你哋睇囉......