而家啲小學生，七點起身返學，三四點放學之後仲要學非洲鼓書法游水朗誦，返到屋企再做功課溫默書溫小測，以為溫完有覺好瞓？sorry呀，仲要做網上自學練習同閱讀報告呀。

咁搞法，小朋友分分鐘仲攰過返工呀，比著大人返12個鐘頭工都癲啦，更何況小朋友呢？有家長見個女咁辛苦，唔想佢再做功課奴隸，所以就寫咗封信畀老師，話要自行調整功課量！

最後呢位勇敢家長仲用埋聯合國兒童權利公約，指出小朋友係有權休息同玩遊戲㗎！

係囉，廣告都有話啦，小朋友每日自由遊戲最少1個鐘，係有助健康發展㗎！媽咪，毛毛撐硬你㗎！不過老師都改簿改到夜一夜啦，又點會有時候睇電視見到呢個廣告......

封面圖片來源：不願小朋友成為功課奴隸

資料來源：不願小朋友成為功課奴隸、聯合國兒童基金香港委員會