毛毛知㗎！班港女成日話我哋啲宅男又毒又冇taste吖嘛！但其實我哋都有自己嘅堅持、自己嘅態度！好似呢位日本嘅宅男咁，佢為咗個遊戲，就將部超級任天堂開足廿年都唔熄呀！

毛毛自細都成日睇東洋愛情動作片，所以日文都大概明少少咁啦。呢個宅男話其實超任本身係有嚿電池用嚟save game嘅，但因為佢部機嚿電池壞咗，佢驚陀衰家，連個save嘅功能都會壞埋，咁就會前功盡費㗎啦嘛，咪惟有一直開住部機囉！佢仲話部機已經開咗20年，即係差唔多18萬個小時喇！

佢之後仲post咗張相，係隻game嘅初代版同最新版呀！

有網友好奇問佢，乜18年嚟都冇停過電咩？佢就話印象中真係冇喎～嗯，日本就是強大！btw，能夠一隻game玩足廿年咁專一，仲要堅持唔關機，呢啲男人又專一又有恆心又有原則嘅男人去邊度搵？港女們，請珍惜宅男呀！

封面圖片來源：Wanikun

資料來源：Wanikun twitter