從前，有個王子，有一日，佢向公主求婚，而公主都應承咗話嫁畀佢，仲定咗下年二月舉行婚禮?，好似啲浪漫嘅童話故事呀。不過歌仔都有得你唱：童話裡都是騙人的⋯⋯又有一日，公主喺已經好完美嘅情況下，追求更完美。佢覺得自己唔夠靚，就想問王子拎十幾萬去整容呀，仲話想變到好似范冰冰咁！

btw，唔變冰冰，變新垣結衣得唔得呀？如果變新垣結衣嘅話，唔好話十幾萬啦，就算幾十萬我都即刻畀呀（如果有）！

講返個故仔先，王子同公主就係因為呢件事搞到冷戰，都唔知結唔結得成婚?，唉......老老竇竇，你哋寧願留住嗰十幾萬定要個變面女女先？ 

不過，如果真係要整嘅話，由頭咁整到落腳，仲要搵最top嘅醫生整，十幾萬邊夠呀？如果唔係陣間整衰咗，又喺韓國示威就唔好啦，仲唔夠多人企街咩......我指企喺條街度集體抗議呀！

封面圖片來源：josephinenimi／香港討論區

資料來源：josephinenimi／香港討論區、騰訊新聞

睇多啲：強國女首爾企街抗議 原因係整容失敗？