香港暗黑料理界又有新搞作喇！今次係碎紙咖哩飯呀！

呢個網友喺茶餐廳食飯嘅時候，突然見到隻碟驚現半張寫住007嘅單！嗯，相當有嫌疑呀下！唔通又係中秋月餅紙條暗號？定係呢個網友就係阿漆，國家終於有任務畀佢？

食食下，張單嘅其他部份都出現了，連個伙記名都有埋?呀！

沒事沒事！呢個係最新嘅創意拼圖食法嚟嘅啫！等客人可以一路食一路砌返張單出嚟吖嘛（好似係）。炒飯底毛毛都聽得多，但係碎紙底就真係第一次見！今次真係食學到好多嘢呀！

封面圖片來源：Yat Ching Sunny Suen

資料來源：Tai Po 大埔