香港土地問題源源不絕，不過，地係死嘅，人係生嘅，香港人一向能屈能伸，有咩風浪問題未見過吖，乜都拆得掂嘅。

咦？點解個貨架有盒飯嘅？

唉，包容下啦，一個月份人工又要買糧餉進貢，又要畀家用，又要食自己⋯⋯唔慳啲使邊度夠使喎。出街食飯咁貴，識慳錢，一定係自己帶飯盒！冇私家雪櫃，咪用公家雪櫃囉，都係要畀咁多電費㗎啦，橫掂有位，唔好嘥嘛。

仲有，阿媽教落，一寸光陰一寸金，正苦又教落寸金尺土，喺乜都貴嘅情況底下，梗係要諗諗計賺到盡啦。

搭巴士車程可長可短，每個站都有過客上上落落，客源不絕，執返一蚊幾亳都好吖，唔好嘥咗程車嘅時間，同畀咗個租金 （車費）嘛！