啪啪啪！又有人走嚕......關菊英幾個月前已經約滿，默默地離開咗大台，而上個星期，陳國邦都好霸氣咁寫咗封公開信畀大台話唔撈，正所謂「一不離二，二不離三」，而家羅天池都話唔撈喇......羅天池咪係做《愛．回家》個黃茂登嗰個囉！

鳴呀！原來佢已經入咗行15年......雖然大家未必叫得出佢個名，但毛毛可以好肯定咁講，每個香港人都一定睇過佢做嘅戲！

而鄭世豪都喺微博擺咗張合照，希望佢順順利利，仲話江湖見?～江湖見係咪即係話你都想走呀？嘻嘻～btw，毛毛支持你哋㗎，東家唔打咪打西家囉，唔做大台唔緊要，仲有大大台呀嘛！

Btw，如果遲啲愈嚟愈多人走嘅話，咁大台咪唔使次次開新劇都諗用咩演員，可以套套劇都用晒同一班人囉～大團圓BBQ跳起yeah！

封面圖片來源：羅天池Eddie微博

資料來源：羅天池Eddie微博、鄭世豪微博

回帶：陳國邦寫公開信同大台講唔撈呀！！