毛毛以為之前嘅唔知乜零嘢小學功課已經算係高難度，你問我我都唔識答。

但係強國本住「沒有最難，只有更難」嘅精神，發明咗啲更加變態，更加地獄嘅小學功課呀！

醃泡菜

想當年毛毛細個都係整下三文治同菠蘿腸仔咋，強國果然緊貼潮流，知道而家泡菜國文化最hit，所以咪教佢哋醃泡菜囉。醃完之後會畀個大長今你做㗎 (好似係)。

整電視

我當堂嚇一跳，然後得啖笑。係呀，係整電視呀，仲要係睇得聽得嘅電視呀！毛毛咁大個都唔識整，點知原來喺強國，整電視已經變咗喺小學生技能！btw，啲電視整完……會唔會爆炸㗎？

Mola mola，香港啲小學今次真係輸晒喇！睇嚟為咗同強國教育水平接軌，香港嘅小學生除咗要補習同上興趣班之外，仲要去學埋木工呀水電呀咁喇。

封面圖片來源：南方網

資料來源：南方網　

延伸閱讀：【難到喊】唔知乜零嘢小學功課