你哋知啦，毛毛啲雞腸咁差，平時最多咪識問啲鬼妹仔how are you......但呢個瑞士靚女Youtuber香格拉就唔同呢，佢識講廣東話㗎！難得有個鬼妹仔識講廣東話，仲要係地道嗰隻......但佢個人喺瑞士，就算毛毛個心已經飛咗去同佢一齊又點喎，我個人都仲喺香港吖，點溝......通啫！ 

不過而家機會嚟喇，飛雲！最近拉拉bb又嚟咗香港學地道廣東話喇，仲由屯門玩到去到銅鑼灣?呀～

拉拉bb都話有人認得佢，仲搵佢影相～嗚呀，點解撞到佢嗰個唔係我？毛毛都好想瘋狂教佢地道廣東話呀，唉，這些機會......

不過毛毛發現咗一個我唔想面對嘅事實，有網民留言話原來拉拉bb已經係人妻......嗯，冇咩嘢嘅話，我返出去做嘢先喇。

封面圖片來源：Shangrilayt

資料來源：Shangrilayt、Shangrila YT YouTube

回帶：【我戀愛了】瑞士女講廣東話做youtuber