呢個世界，好多人都會狗眼看人低，所以話，唔做返啲門面嘢真係唔得～而有網民發現竟然有人用銀紙嚟當卡片，喺張廿蚊紙上面寫咗自己啲資料同聯絡方法呀咁，仲話「廣交天下異性好朋友」?～

喂，呢招掂喎！平時收到人哋啲卡片，轉個頭都唔見咗啦......嗱，而家大大張銀紙冇理由會唔見喇掛！另外，原來有其他人都收過佢嘅銀紙卡片，仲係50蚊?，見佢愈嚟愈重本，真係好有決心想識晒天下嘅異性朋友咁喎～

不過其實銀紙卡片又算得係啲咩吖，用銀紙嚟示愛都有啦～

唉，可惜毛毛連張10蚊紙都要諗過度過先拎得出，我諗呢啲交友方法同示愛方法都係唔啱我呢啲窮L用㗎喇.....between，屋企嘅小朋友都唔好亂學呀，知冇？

回帶：50蚊的情書