香港已經回歸祖國呢個好龜叔十幾年，但都仲不時有港英餘孽唔肯承認呢個事實！咁當然要由教育入手，培育出愛國新一代啦。

原來而家小朋友除咗要抄生字抄「我愛中國」，仲要學埋殘體字㗎。小三分分鐘連正體都寫錯，就已經要學埋殘體，唔怪得之人哋話而家啲小學難讀過大學啦。

唔止教育要愛國化，正苦網頁都要去殖化。今日雲海就喺facebook post咗條片大鬧突手辦網頁嘅語言選擇冇咗「煩體」呢個option喇。不過毛毛去睇嗰陣又見到有喎，突手辦去殖化唔夠徹底，抵鬧！

雲海仲指出，早幾日聽到電台將「裏海」講咗做「里海」呀。裏海？里海？毛毛有啲亂呀，所以就上網搵下啦，原來係講緊亞洲同歐洲交界嘅一個海，煩體係「裏」，但有唔少人搞錯咗殘體個「里」。「裏」字殘體係「里」，「里」又本身係一個煩體，咁複雜，唔怪得之要小學開始學殘體字，打好基礎啦！

資料來源：雲海 陳雲海

延伸閱讀：教科書教呢啲