鉛水問題過咗咁耐都未解決，唔少市民都好嬲豬，所以當有官員落區解釋鉛水事件嘅時候，就試過叫佢哋自己都飲下鉛水，體驗下居民嘅苦況。

但係今日奶媽就話，官員代表嘅係特區政府嘅樽鹽，唔可以接受飲鉛水呢啲屈辱！係囉，官員係官員，蟻民係蟻民，根本唔同level㗎嘛，點可以紆尊降貴呢？

原來奶媽唔係第一次咁嬲嬲㗎喇，九月份佢已經話過官員飲鉛水係屈辱！

其實唔使你提，啲官員都自己識醒水，唔會飲鉛水咁豬嘜啦，之前有區議員叫官員飲鉛水，都冇人肯飲，所以奶媽你大可以放心喎～

封面圖片來源：蘋果日報

資料來源：商業電台、丘文俊

延伸閱讀：【鉛水風波】水務署官員都唔肯飲