今日網上瘋傳一張地鐵月台牆邊一條不知名物件嘅相，毛毛睇到都有啲搲頭，呢條乜東東嚟㗎？

呢條嘢有啲似櫈，但又唔好似坐唔落毛毛個pat pat喎，要嚟擺嘢，又斜到會跣返落嚟。

原來佢係一條挨杆，即係好似車廂入面嗰啲咁呀，畀冇腰骨嘅廢青喺未上車做柱男柱女之前做住杆男杆女先嘅。不過其實正正經經整個座位都唔係用多好多位啫，校返個水平面咪得囉。

但係呢，後生仔又使乜挨，係都嗱嗱聲上車啦，老友記冇腳骨力，呢條嘢又幫唔到佢哋……不如港鐵改改佢，攞嚟當拉尺用，度下有冇大型物件入咗閘啦～

封面圖片及資料來源：Roy Tam / 高登討論區