學校有學校嘅規矩，除咗食飯之前要寫好晒手冊、派晒生果再要全組人靜晒先食得之外，喺「西環變幻時」Facebook群組度，又有網民表示喺中西區有間小學，連同學仔喺上堂時要求去廁所，都要出示醫生紙證明先去得？

呢個家長表示，佢個小朋友身體有病，已經寫晒手冊通知老師有呢個特殊需要，但係老師竟然仲要為難小朋友！唉，其實唔好話個小朋友係咪有病吖，人有三急呢啲嘢，急起上嚟，點忍喎！同埋如果真係要醫生紙，究竟上面應該寫啲咩呢？「生理需要」？「急SSS」？「急尿」？我諗呢個問題連醫生都答我唔到！

除咗去廁所要醫生證明，女同學嚟M唔游得水都要證明呀！

唔知老師係要見到條血染的M巾先信吖，定係要同學落水游到血染泳池呢？抑或其實又係有張萬能醫生紙就得？

另外，亦有網民留言表示西環有間學校要求全部同學仔都要出去補習呀！

下？咁點解仲要返學上堂嘅？媽呀！我唔諗通呀！

來源：西環變幻時

延伸閱讀：【想吃很難】點解小一返學想食飯都咁難？