好囉好囉，以後我哋遲到可以唔使再講咩「等埋發叔」、「等埋副校」呢啲咁老套嘅藉口喇！因為689同志幫我哋諗咗個新理由呀！

689同志喺英國出席一個工商界午宴，遲到咗幾分鐘，其實都唔係好大件事啫，講聲so99y咪得，但佢就把握機會，話畀班外國勢力知佢有幾愛國！佢話自己搭車去午宴途中見到好多為咗歡迎習大大到訪而掛嘅強國國旗，要落車欣賞下，所以搞到遲咗少少。

咁特別嘅奇遇記，唔知689會唔會寫落佢個突手網誌呢？毛毛都知佢貴人事忙㗎喇，就等毛毛做佢嘅Eric Chan，幫佢寫一次咁多多啦！

封面圖片來源：sina、維基百科

資料來源：有線新聞 i-Cable News