喺車來車往嘅馬路上，有架車居然慢駛之餘，仲要成架擋住晒喺馬路中心，之但係其他車冇砵佢不特止，仲反而喺facebook得到接近6萬個like！

今次「霸路」事件係發生喺台灣，呢個司機仲係有心霸住條路嘅，不過，佢唔係幫自己霸，係幫個伯伯霸！

原來係因為有個撐住拐杖嘅伯伯行動唔係好方便，行得比較慢，慢到就嚟要轉燈佢都仲未過到一半。咁呢個司機就為咗伯伯可以安全咁過到馬路，就以車護駕，一路慢駛咁傍住伯伯，等另一邊駛過嘅電單車唔會撞到佢，好窩心呀！

如果呢件事喺香港發生，應該隔住個mon都聽到成條街係咁「砵砵」聲！

睇片：東森新聞