當人人都投訴廣告總係誇張失實，違反商品說明條例嘅時候，就有幾個廣告突破盲腸，反其道而行。

個個豬妹自拍都要高炒，都係怕突咗個雙下巴出嚟。本嚟見到大大隻字話唔要雙下巴，即刻雙眼發光啦，點知再望下幅圖，係就係發光，但係發青光囉！原來冇雙下巴嘅方法係……嚇我唔到嘅，萬聖節啲friend嚟嘅啫，一定係（唔係都話係）。

嗱，唔係話對鞋唔啱size呀，係為咗證明呢對鞋真係大碼，呢間公司特登搵嚟腳細嘅model著起對鞋，透過後尾踭嗰幾吋空位嚟表現出「這真的是大碼鞋」（好似係）！賣鞋賣到連「以小見大」呢種手法都用埋，實在要寫個服字！

另外一個讀者就喺一間補習社門口見到呢個廣告，嗯，點講呢？硬係怪怪地咁……你哋自己參透下啦，唔知是咪Treegun開嘅呢？