「有咩慘得過個蘋果有蟲？」呢個IQ題毛毛細細個就聽過，答案咪就係你已經食埋條蟲落肚囉！而呢個網友，毛毛都唔知話佢好彩定唔好彩喇，居然食中個有蟲仔嘅麵包呀⋯⋯

好天真好傻嘅佢一開始仲以為隻蟲仔係粒提子，點知一飲完水諗住再食嘅時候，就發覺粒提子甩咗一條條好似觸鬚咁嘅嘢出嚟呀！睇真啲，粒提子個樣仲生到成隻Ant Man咁?喎！其實樂觀啲諗，隻蟲仔肯飛去個包度，咪即係代表個包夠香夠好味，連蟲仔都想食囉！而且昆蟲含有蛋白質㗎嘛！咪當補充下營養囉。你唔去諗，就無事㗎喇（好似係）。

其實識做生意，仲可以好似呢個老闆咁寫到明話有蟲再賣返出去?！到時話唔定可以憑住呢個「昆蟲別注限定版」打響名堂?呀！之不過⋯⋯有冇人買呢，就唔關毛毛事喇。

封面圖片來源：However Chun

資料來源：Tai Po 大埔　

延伸閱讀：【有蟲又點喎 】誠實的好老闆