有個住天水圍嘅網民就話公園啲設施畀正苦拆晒，搞到啲細路冇地方玩，要拎啲玩具去自己屋企個?口度玩，聽講係有人投訴啲細路仔玩得好嘈，所以正苦先會拆嘅......

不過計我話，正苦可能都係想大家重拾一下當年屋邨嘅集體回憶，嗰種向左走向右走都係好鄰里嘅河蟹關係啫～聽毛媽講，佢細細個住公屋嗰陣，家家戶戶都係fd子嚟㗎！啲麻甩佬去晒搵錢，班師奶咪忙住煮飯囉，得閒都會約齊四隻麻雀腳喺?口打返幾圈嘅，而啲細路仔一樣會自己喺?口玩。

嗱，而家個公園拆咗之後，天水圍啲細路仔咪喺?口玩得幾開心（好似係），係地方細咗少少同污糟咗少少啫，不過都好過落公園玩到嘈嘈閉吖～公園梗係要好似圖書館咁靜先似樣㗎嘛！

不過，喺?口玩都唔好太嘈呀，唔係等陣又畀人投訴，成棟樓拆咗你都有份！

封面圖片及資料來源：Camman Wong