「陪你去看流星雨落在這地球上......」，流星雨就冇得睇住喇，疑似流星就有一粒！噚晚就有個網友影到有粒疑似流星嘅物體出現喺香港嘅上空呀！

呢位網友揸揸下車，去到3號線尖沙咀出口嘅時候，突然見到有一粒發光嘅圓形物體喺天空高速趺落嚟呀！

原來唔止佢，有另一位網友都留言話喺跑馬地見到！佢仲話呢粒疑似流星比起段片入面係更加大粒嘅，而且一啲聲都冇。嗯，睇嚟真係要請雲海嚟解釋下喇。

香港咁細，港島區見到、九龍區都見到，點解毛毛會見唔到㗎？唉，唔通連睇流星嘅機會都不是屬於我的？如果我見到流星嘅話，我希望上天可以賜一個女朋友畀我……不過而家都係睇住片先啦。唔知對片許願靈唔靈嘅呢？雲海可唔可以話埋我知呀？

封面圖片來源：Tommy Au

資料來源：Tommy Au