根據香港毒L互助委員會嘅研究顯示，「港女症」最近有蔓延到去澳門嘅跡象。有個澳門女仔可能好等錢使啦，惟有將佢朋友送畀佢嘅手摺心心，放上網大平賣呀！

真係聞者傷心，見者流淚，冇陰公呀！呢520個心心，除咗係我愛你嘅諧音之外，每一個都係盛載住摺嘅人嘅心意！摺一個心心要2分鐘，摺520個就要1040分鐘．即係成17、18個鐘呀！佢大可以用呢17、8個鐘去打機打機同打機，但佢冇！可想而知，佢對呢個「朋友」嘅感情之深直頭拍得住冰心嘅《紙船——寄母親》呀！

不過，如果你真係諗住將啲紙心寄娘娘嘅話，sor9ly！鑽研港女心理學多年嘅毛毛可以話畀你知，呢啲又冇價值又唔實用嘅嘢，娘娘係唔會鍾意㗎！要送，就送下面呢個啦：

又睇得又用得，最緊要係晒到命，呃到like吖嘛！女神見到實成地水啦！（嗱我指流口水咋，唔好諗錯隔籬呀！）

封面圖片來源：Ann Vong

資料來源：澳門買賣平台[訂貨區]