2015年10月19日 星期一
【日本賣唱男】畀人偷錢仲同大家講對唔住？
香港街頭一向都有好多身懷絕技嘅人士，除咗一眾唱歌高達115分貝嘅大媽sss之外，最近仲有一位來自日本嘅賣唱小暖男Mr.Wally呀！嗱，紅白間條同大大個笑容咪佢嘅icon囉～
原來Mr.Wally已經嚟咗香港兩個星期㗎喇，主要會喺旺角同尖沙咀做街頭表演～冇吹水，佢嘅歌聲，毛毛喺office loop咗2046次都仲未聽厭呀，唔信嘅一齊聽下喇！
不過聽講佢每日唱5個鐘頭歌，唱到喉嚨傷晒，早幾日仲要畀人偷晒啲錢......不過，佢竟然冇怪偷佢錢嘅人，反而覺得係自己唔小心，仲因為整唔見咗大家畀佢嘅錢而內疚，喺fb同大家講對唔住......嗚呀！
佢23/10就會離開香港㗎喇，不過今個星期三、四夜晚7至10點仲會繼續喺尖沙咀唱歌～大家如果想去會一會佢嘅，就要把握機會喇，希望佢唔使再講對唔住啦。
