毛毛一向都認為「勤有功，戲有益」㗎！今次日本就有個細路既爭氣又出色咁證明咗呢個道理畀班家長睇嘞。

日本有個細路日以繼夜夜以繼日咁寓遊戲於學習，超勤力咁打呢隻《戰國無雙》。嗱，佢唔係掛住玩㗎，佢一路打就一路記得晒啲好很難記嘅歷史人名同地名，仲喺真‧考試嗰陣做出接近打爆機嘅驕人成績！

見到兒子生性能幹母倍感安慰，但呢個家長並冇畀呢啲佳績衝昏咗頭腦，依然記得做人要感恩。於是佢就喺Twitter度公開表揚個遊戲廠商。毛孩我睇完都深受激勵呀！打機真係好L有用，我哋呢啲終日掛住打機嘅笨唔係廢青嚟㗎！

老老竇竇，我細細個開始就玩大富翁，買過無數咁多棟樓，亦都收過N咁多次租，對於如何上車同應付地產霸權我已經有晒概念，但我幾時先可以真‧上車呀？

封面圖片來源：aniarc、亜細亜（Twitter)

來源：新浪游戲、 亜細亜（Twitter)