毛毛喺呢度要同大家講一個可歌可泣嘅家庭倫常大悲劇。呢個故事，就由毛毛有個friend嘅阿妹帶咗呢嚿嘢返屋企講起......
話說佢阿妹去完台灣，好開心咁買咗呢盒嘢返去畀佢呀哥食。（ps. 放喺個喼入面運返嚟。）

之後打開係咁樣的....

佢阿妹碌大對眼問佢：「阿哥～你會食㗎可？」由於毛毛個friend都係一個普通嘅毒L，所以係冇辦法拒絕任何擺出呢個表情嘅異性。

「食...梗係食啦...你咁遠帶返嚟。」

然後就清咗呢嚿......呢嚿心意佢，聽講個味係怪怪地，不過心意吖嘛唔緊要啦。

「urr係呢，你幾時買㗎？」

「Day 1囉～我第一日就想買畀你食喇」佢買咗之後就放咗喺個喼入面，呢個造型就係四日三夜嘅舟車勞頓撞擊而成。

佢阿妹望住佢一啖一啖咁食晒呢嚿心意之後就閃咗返房，留低我個friend執返好啲包裝紙。佢執下執下，佢睇到呢個句。

佢同我講，佢到今日都凝住凝住個肚赤赤地......