作為堂堂經濟強國嘅領導，習大大到訪英國，點能夠兩梳蕉先得㗎？

嗱，英女皇就送咗本莎翁嘅詩集畀習大大，另外就送咗一對高質燭台畀習大大夫人彭麗媛。兩份禮物都係英國嘅手信代表，既高貴又大方。

呀，仲有一份，係女皇同佢honey 菲臘親王嘅合照呀！真係好鬼時weet池嘅啫！好在我哋阿習大大都唔輸蝕！佢都好有禮貌咁回返好多禮，而其中最有心思最有價值最珍貴最不可取替最正點最神聖最有代表性最有誠意⋯⋯（要數到聽朝都數唔晒）嗰份就係習大大夫人嘅音樂專輯呀呀呀呀呀呀呀呀！

強國人終於都可以有自己嘅手信喇！多謝習大大積極宣揚強國樂壇之餘，仲為送禮制訂咗指標！學到嘢未呀？嚟緊啲咩聖誕節呀紀念日呀要送禮物就唔使頭痕啦，國家級禮物呀！相信好快就會掀起瘋狂搶購同炒賣夫人唱片嘅熱潮，你哋要入就快手喇！唉，如果之前送禮勤識送呢份禮物畀曼聯，就唔會搞到咁啦！

封面圖片來源：每日電訊報、gzhifi

來源：每日電訊報、蘋果日報