今日係行政長官立法會答問大會呀！毛毛一早就開定電視擔定櫈仔，諗住睇689表演吖嘛！點知啲議員就阻住晒佢發言，仲問埋啲奇怪問題?呀！好似黃毓民咁，佢先叉能廚689點解返親祖國都要唱衰香港，之後再問689幾時死喎！

真係太過份喇！呢個咁莊嚴嘅會議，點容許你呢啲議員搞事㗎！不過好彩，我哋嘅689巧叻叻，識得舉一反三，話「牢騷太盛防腸斷」，仲祝返黃議員健康長壽?！

呢句咁有道理嘅說話，原來係嚟自偉大嘅毛主席所作嘅《七律·和柳亞子先生》呀！

真係太滾動喇！689就算畀人質問緊，都不忘表達自己嘅愛國之心，而且仲出口成文，仲順個靚便擦埋鞋?！梁同志，你真是太有才喇！香港唔能夠冇咗你呢啲人才㗎，等毛毛喺度為你送上最真誠嘅祝福，希望你都健康長壽啦！

～～如果你也關心689幾時死，請轉發這張圖～～

（中譯：咁多牢騷因著短命，放長雙眼睇你幾時死。）

封面圖片來源：info.gov

資料來源：百度百科 、RTHK