你哋成日話啲港女對男朋友要求好高，又要高富帥，又要咩都識......但其實毛毛豬對男朋友嘅要求好簡單㗎咋，唔需要甘願為我蹈火海咁誇張，淨係落雨嘅時候會為我遮風擋雨，我已經好滿足㗎喇（心心眼）！就好似威廉王子咁，雖然雙眼掛住望習大大，但佢隻手都幫緊老婆擔遮吖～

btw，習大大唔係好鍾意擔遮㗎咩，點解佢唔幫老婆擔遮嘅？

喂咁樣唔得喎，睇下人哋奧巴馬都幫老婆擔遮啦......又話國家要超英趕美，點可以喺呢啲咁細微嘅事上面輸畀返洋鬼子㗎！

不過毛毛相信，習大大只係驚後面嗰兩個實蕉冇嘢做，會冇飯開，所以先將幫老婆擔遮呢個重任交咗畀佢哋啫～堂堂習大大又點會咁冇風度喎！連後面嗰兩個實蕉都考慮埋，果然係我哋偉大嘅主席，巧叻叻呀！

封面圖片來源：新浪圖片

資料來源：新浪圖片、每日郵報、大紀元、中國評論新聞網