2015年10月22日 星期四
【有錢就是任性】尋犬報酬竟然係一幢樓？
強國崛起咗之後，個個都變晒做土豪，一千幾百，視如垃圾！呢個強國女人就夠晒霸氣喇，搵狗嘅報酬竟然係一幢樓呀！
喺強國，有錢就係萬能！呢個西安壕女可能都深明呢個道理，所以喺出post嘅時候講到明話邊個幫佢搵返隻狗就有全新地鐵房一套！（毛毛都唔係好明強國嘅潮語，地鐵房9估應該就係地鐵上蓋或者係附近嘅樓盤掛。）唔好以為係騙案呀，佢連張選房卡都影埋出嚟，好有誠意㗎！
嗱有圖有真相，唔好話毛毛唔益你哋呀，隻狗個樣都畀埋你哋睇，返大陸嘅時候咪留意下囉。喺香港上唔到樓，話唔定可以憑住呢個機會喺大陸上樓呢！不過如果到時幢樓係咁嘅話……
都符合國情吖！冇事嘅，住住下就慣㗎喇（好似係）。
封面圖片來源：華商網
