嗚嗚……今日毛毛畀阿頭鬧呀，佢問我做咩唔寫咩咩咩，我話，下，我以為阿邊個會出呀嘛，跟住佢就開火鬧毛毛：「以為以為，乜都係你以為，好心咁大個人就唔好咁多幻想啦！」毛毛覺得好無辜辜呀，由細到大，好多嘢都係我哋以為㗎啦。

高登討論區有個巴打開Post，話要一人N樣細個以為嘅嘢，咦，毛毛細個見到毛父毛母啲舊相，都以為五六十年代個世界係黑白色㗎！

毛毛睇落去，班巴打童年時又幾天真喎，笑到差啲隔籬位都知我偷緊懶。不過見到「以為大個一定有女朋友」，就突然有啲sad?…… 冇嘢喎，毛毛真係冇嘢喎，吹沙入眼咋嘛……

其實好多嘢都係我哋以為㗎啦，毛毛細個都有咁樣以為過㗎，你又有冇呀？

資料來源：高登討論區