呢個係一個史詩式可歌可泣嘅故事。故事一開始，女主角就有不幸嘅遭遇，就係個電話冇晒電呀陰公！電話就係生命！電話冇電就世界末日㗎喇！所以女主角選擇咗上網開post，問下啲隔籬鄰舍有冇人可以借個尿袋畀佢囉。

喺呢個時候，男主角就出現鳥。佢笨唔係第二個，正正就係女主角嘅阿哥呀！

啪啪啪！大團圓結局！兄妹重逢嘅一刻實在太滾動喇！阿哥仲要做第一個回覆，好霸氣咁叫阿妹快啲去酒樓搵佢?！而家真係喺FB tag9人仲快過直接打電話呀下……any肥，最重要嘅係化解到一場毀滅性嘅科技災難吖嘛！

其他網民都話呢個故事勁感人，好睇過大台電視劇呀（好似係）

Btw，呢班大埔街坊之前其實已經搞咗個泥鯭group㗎喇！

你哋咁有愛......不如開多個尿袋group啦，毛毛電話冇電嘅時候都想問你哋借呀嘿嘿。

封面圖片來源：Lydia Pang/ Tai Po 大埔

資料來源：Tai Po 大埔、大埔街坊泥鯭