日本最大嘅黑社會山口組竟然喺本部大樓出面貼咗張啟示道歉，原因係今年佢哋派唔到糖畀小朋友呀:(

雖然山口組係出晒名兇殘恐怖嘅黑社會，但係佢哋每年萬聖節都會派糖畀小朋友。聽講係因為有一年有個唔知頭唔知路嘅小朋友走咗去山口組問trick or treat，結果個黑社會大佬冇的佢去打獲，乖乖地咁交出糖果，咁就成為咗山口組萬聖節派糖嘅慣例喇。諗起啲黑社會大佬畀班小朋友勒索拎糖嘅場面真係幾打耳。

不過好可惜今年山口組因為內訌同爭地盤隨時腥風紅雨，所以佢地特登貼張告示同小朋友同家長講今年唔好過嚟，擔心啲小朋友會有危險仲同佢哋道歉呀，（點解日本連黑社會都咁可愛嘅）。

如果10月31日喺山口組門口見到有人砍甩咗半隻手成身血行過，同小朋友講唔使驚嘅，化妝嚟嘅啫，好似係。

來源：SankeiNews_WEST