田二少同陳家洛最近接受挑戰，做咗兩份小學試題。毛毛以為兩個神隊友應該好叻叻豬，呢啲小學雞問題唔會難倒佢哋啦，點知......

呢份小六嘅數學TSA卷，23條入面，田二少只係答啱11題咋！一半都唔夠呀！即係肥咗囉。陳家洛就叻豬啲，淨係答錯3題啫。好啦，畀多次機會你哋，做份小三嘅中文卷，應該易啲啦？

Sor9ly，一樣錯。田二少8題答錯3條，差少少又肥多次喇！不過又唔怪得晒佢嘅，啲題目TMD難。就好似呢條閱讀理解咁，篇文明明就係話隻鴕鳥遇到困難就條頸貼地嘅，成段一個沙字都冇，畀毛毛揀都會揀D啦，點諗到係要用埋「鴕鳥經常把頭埋在沙裡」嘅常識去答份中文卷喎！

你以為呢兩份卷已經好難？少年你太年輕了！

呢份1953年嘅小學畢業常識卷先至係神試卷呀！毛毛睇完之後，更加覺得自己係廢青，一啲常識都冇呀！嗚呀......

封面圖片及來源：明報