船梨精現真身呢啲咁衝擊嘅相，當然唔可以剩係得毛毛一個睇到，我要你哋一齊陪我崩潰哈哈哈哈！

日本twitter瘋傳呢張船梨精真身嘅相，震驚了全球70億人。有邊個會估到原來行活潑少女路線（好似係）嘅船梨精，真身會係一個中年大叔？仲要電攣毛，鬼咁自豪?喎！毛毛不能接受呀嗚嗚。

明明船梨精個樣咁卡娃依，把聲又尖又高，又成日跳嚟跳去，搞到毛毛曾經幻想過入面嘅真身會係一個活力十足嘅美少女……點解要欺騙我感情！唉，毒L總是太多FF！btw，呢位扮船梨精嘅大叔都幾好腳骨力，毛毛肯肯定你冇關節痛呀下。

不過老老竇竇，呢份工真係筍工嚟，你睇下船梨精個fd子－成日搞日本妹豬嘅熊本熊！

反正都係要著住件公仔衫，只要呢世都唔除咗個頭套，咪冇人見到我真身囉！到時女神見到我咁可愛，仲唔主動埋我身？I’m ready！I’m ready！

封面圖片及資料來源：kuzu_uzuk　twitter