做女人最煩係咩？唔係返工返學、唔係爆瘡、唔係同男朋友鬧交，而係大姨媽嚟探你嘅時候你仲要返工返學、爆瘡、同男朋友鬧交呀！呢段時間女人通常都會變晒做阿燥，有時又會變成阿愁，總之就好需要旁邊嘅人照顧，最好就係自己個男朋友啦～外國就有個男人發表咗一番滾動到爆嘅說話，搞到毛毛豬都濕晒，隻眼。

Well，唔想睇英文，毛毛豬可以幫手翻譯嘅。意思大概係話有個HiHi男覺得女人漏M好煩，呢個男人就話返佢轉頭，震撼咗全球70億女人嘅心靈呀！佢願意喺女人period到嘅時候帶佢去沖熱水涼，幫佢換過晒啲床單同污穢衫，沖定熱茶等個女仔，仲會陪住佢、攬住佢。Exact7ly！完全講中晒女人很想要嘅嘢，好簡單啫！神呀，你幾時先會跌個咁嘅男人落嚟畀我呀？

Btw，張period相其實係一個外國女性藝術家rupikaur嘅作品嚟。

呢一系列嘅相主要係想講返大姨媽其實係一件好正常，甚至係神聖嘅事，所以唔需要遮遮掩掩。毛毛豬唔識咁多藝術嘢吖，不過都覺得幾有共鳴，姊妹們可以去睇下㗎～

封面圖片來源：Alex Lee

資料來源：Alex Lee、Rupikaur