前排國民妹妹IU嚟香港開show，用超純正廣東話唱出B餐嘅《囍帖街》。

唔單止Wyman激讚，仲令到大家諗返起囍帖街嘅真身－－利東街，而家到底變成點呢?

等毛毛帶大家回下帶先！N年前正苦話要將條街改建嘅時候，唔單止食晒字咁巧叻叻改咗個膠味濃郁嘅名囍歡里，仲話啲商舖會以結婚為主同埋有個中西婚嫁文物館，仲會畀社企用㗎，係唔係聽到好感恩呢！

不過噚日又話要叫返做囍帖街喇！毛毛讀書唔多，唔知呢啲是咪叫做今天的我，打倒昨天的自己呢？唔單止咁，連條街都要變成一個專賣時裝同化妝品嘅商場呀！說好的以婚慶為主題呢？唉，尊重香港歷史、本土文化呢啲事，都係留返畀國民妹妹呢啲外國人去做啦! 學阿爺話齋，（高音）發展就是硬道理！歷史文化呢啲嘢，咩嚟㗎？食得㗎？毛毛一諗起第時又有得行新商場，一街都係買唔起嘅嘢，真係好開心呀！聽日一定會更加開心嘅啫，是咪呀振英太郎？

封面圖片來源：onethirdmusic

資料來源：市區重建局、concertyy/instagram 、蘋果日報