話說前排毛毛其中一個腦細部新買嘅艾瘋唔小心跌咗落地，「啪」一聲，個MON咁就爆開咗。事後同事們都向呢位腦細致以最深切嘅慰問同祝福。而一向先天下之憂而憂嘅毛毛，就為佢搵咗預防方法。

好多時明明已經貼咗MON貼，但係個MON都係爆開，真係好任性囉！咁梗係啦，貼一塊點夠㗎！要貼，就要學呢個日本仔咁，貼夠100塊，咁咪肯肯定唔會爆囉！

沙煲咁大嘅電話,夠晒防護性喇掛！如果你擔心禁唔到制嘅話，唔使驚！佢諗埋解決方法畀你喇！

唔使用劍嘅，用螺絲批咪得囉！腦細我係咪好醒呀？

不過千奇唔好學埋個日本仔咁，格硬拆走啲MON貼呀，唔係就會……唉我都係唔講咁多喇，你自己睇啦! （PS. 拆貼一刻：4分37秒）

封面圖片及資料來源：imiga youtube