2015年10月28日 星期三
【姊妹毛】做高妹定矮妹好？
最近有位身高17x cm嘅姊妹喺討論區度呻做高妹令佢有幾唔開心呀！高妹即係長腿啦，長腿即係著咩衫都好睇啦，連個天都偏心你，點解都會有煩惱㗎！
呢位高妹話因為自己太高，成日都唔開心，仲甚至因為身高問題而畀同學笑?…… 毛毛豬都諗起中學嗰時有個長腿姊妹去聯校christmas ball，見到啲矮仔行緊埋嚟，佢就醒目企定起身，畀人離遠就睇到佢有幾高，廢事啲仔仔開咗口叫佢跳舞先發現佢高過自己咁老尷呀，當然多數男仔都唔夠佢高，即刻轉彎走啦……
高妹，唔好咁唔開心啦，其實你睇人好人睇你好嘅啫，你以為細細粒就一定好多好處咩～
既然高妹矮妹都有咁多煩惱，不如都係唔好諗咁多喇，心地好實搵到男友仔嘅，55，信我。
封面圖片、資料來源：香港討論區
