2015年10月28日 星期三
【巴黎鐵塔反轉再反轉】先生 你冇嘢吖嘛？
咩事呀？拍緊戲呀？壓力太大？定係跌咗個一蚊銀想執返咋？先生你落返嚟先啦，有事慢慢講，唔好做傻事呀！
最近網上瘋傳呢張喺澳門影嘅相，相入面位先生以一個反地心吸力嘅鋪屎，夾喺兩個電話亭中間，震驚咗全球70億人！
大驚小怪，毛毛呢個明眼人一眼就睇得出佢係做緊正經嘢啦！其實呢個係澳門搞嘅一個行為藝術活動嚟，目的係想用自己嘅身體介入城市入面唔同嘅建築物，好有意思㗎！之不過搞還搞，都要注意安全，隻腳冇人哋咁長嘅小朋友就唔好亂學喇。
話時話，我哋香港都有個行為藝術大師──盧寵寵喎！
佢用自己嘅身體去衝擊冰冷嘅地板，肯肯定係想打破都市人嘅隔膜，帶起互相問候嘅熱潮，真係好偉大呀！嗚嗚嗚。
封面圖片來源：澳門人
