而家要溝妹豬……I mean 同妹豬溝通，梗係用Whatsapp、line咁啦，唔通仲咁好心機親手寫信咩？但最近就有幾位讀者都喺葵涌區路邊見到一個痴心男寫嘅發泡膠留言板！

呢塊喺石蔭道出現嘅留言板，大大隻字寫住係畀「石頭妹」㗎！仲出齊三國語言表達愛意，似乎幾有誠意啵。

過多兩日，痴心男又出動，喺光輝圍掛咗呢塊發泡膠，同石頭妹講佢畀人偷咗電話呀。原來痴心男4年前已經想入伍，問石頭妹抄牌，但就食咗檸檬…… 聽落,5覺得可歌可泣呀。

仲有呢兩塊?呀！睇嚟痴心男對石頭女神嘅愛意已經遍佈葵涌！唔好咁灰啦巴打，毛毛十卜你㗎，你咁誠意，石頭妹應該唔會好似塊石頭咁一啲都唔感動嘅！如果得咗米話畀毛毛知，等毛毛抄你橋！