聽講而家好多人都唔鍾意擺酒，話老土兼核突喎，仲話識結一定揀旅行結婚?～而強國就有78對新人齊齊約埋去韓國釜山海雲台嗰度行禮，嘩！一次過有咁多對新人，都咪話唔壯觀呀！

不過原來呢78對新人唔係淨係行禮結婚咁簡單，佢哋仲會一齊去......整容？嘩，玩咁大呀......不過啱晒啦，個4噸揚州炒飯話唔會計入健力士世界大全呀嘛，而家78對新人一齊整容夠晒震憾性啦，今次仲唔入硬健力士世界大全？！

溫馨提示，如果整完容之後搵得返自己個老公／老婆，又諗住生bb嘅話，就記得諗埋第時點樣同個bb解釋喇～計毛毛話，整容不如整基因，整到啲基因好似碧咸咁就最perfect池喇！

btw，其實嗰78對新人整完容之後，仲認唔認得自己老公／老婆㗎？陣間認錯咗人咪pk......分分鐘嗰78對新人再一齊搞多次集體離婚㗎喎......

封面圖片及資料來源：蘋果日報