嗚嗚嗚，毛毛啱啱真係忍唔住呀…… 忍唔住叫咗……. 個餐腸麵加火腿奄列食呀，毛毛是咪會死㗎？

好彩，畀毛毛搵到心目中嘅新女神──呢個美國婆婆Susannah Mushatt Jones！佢今個月踏入116歲，係全球最老人瑞嚟㗎！典解佢冇老到首飾箱都變成藥箱嘅？佢話佢長命嘅秘訣，係日日都食煙肉呀！

你睇佢，鍾意煙肉鍾意到連生日蛋糕上面都擺咗幾塊呀！

之前仲有另一個104歲嘅婆婆，好得戚咁話自己日日都飲3罐Dr Pepper汽水，勸佢小心身體嘅醫生都死咗，佢都未死?呀！

點解世事總係咁難捉摸㗎，毛毛知喇，長命婆婆食嘅應該都係Made in ChiNa 嘅，唔係真加工肉，最多會爆炸，唔會致癌！

封面圖片來源：路透

資料來源：英國《獨立報》、自由時報