2015年10月28日 星期三
【唔L係呀】呢個係瑪麗蓮夢露？
有一種畫係要種出嚟嘅！就好似呢幅來自日本青森縣嘅仙女畫咁，首先要準備唔同顏色嘅秧苗，然後再將啲秧苗插落你預好咗個位度（下刪一萬字）......唉唔使講，淨係睇相都知用咗唔少心機啦～睇真啲，連個頭同條裙都整得咁仔細，真係唔畀個like啲日本仔都唔得！
唔講我仲以為係幅畫嚟。好在強國都唔輸蝕！有上海同胞熱烈慶賀新迪士尼下年開幕，用咗3隻唔同顏色嘅稻米嚟種咗幅米奇畫，上面仲有大大粒殘體字寫住「迎接上海迪士尼开园」?～
可能佢哋種開有條癮啦，又或者怕米奇寂寞難耐，於是喺米奇隔籬又種咗幅女神畫～仲要係最有代表性嘅女神嚟?！
估到未呀？咪就係性感女神瑪麗蓮夢露囉，一睇佢個pose就知啦......只不過上海嘅同胞參考咗畢加索嘅抽象style啫～唉，藝術呢家嘢你哋識條鐵咩！
封面圖片來源：騰訊新聞
