有網友喺網上訂咗一副麻雀，諗住做個孝子，送畀媽媽玩啦。點知，呢個原來係一個悲劇嘅開始……

點解擺極都對唔齊嘅，咁樣點食糊呀，傻的嗎？

一開始呢個網友仲好天真好傻咁以為係靜電先會搞成咁，點知一問個賣家，佢就話嗰啲係磁石嚟，仲話而家啲麻雀不嬲都係有磁石喺入面喎！

啲吸力咁勁，呢個網友幾給力都係分佢哋唔開㗎啦。呢堆麻雀，應該砌到2046都砌唔到嚕。毛毛縱橫麻雀界咁多年，麻雀磁石我就聽過，調返轉磁石麻雀真係第一次聽，今次真係長知識鳥！Btw，其實都幾有創意吖，仲唔使驚跌落地會唔見，用粒磁石吸返出嚟就得喇！

買咗返嚟，但又玩唔到，阿媽條癮畀你吊起晒喎！不如買返副透明嘅，咁咪可以一眼望穿佢裡面是咪有磁石囉！不過係玩十世都未食到糊啫！

呢副又唔得，嗰副又唔得，買副麻雀真係咁難咩？出絕招——自己畫啦！既方便又快捷，自己的雀自己做，唔使假手於人，玩贏玩輸都冇得抵賴！

封面圖片及資料來源：林一君/爆料公社