2015年10月28日 星期三
咩餅賣成17萬咁貴呀？
香港地真係乜嘢都貴，唔止地貴，就算食嘢都一樣咁貴！食個烏冬又話要9千幾蚊......好啦，咁貴咪食啲cheap啲㗎囉，食瑞士卷好未？嘩！一卷瑞士卷都要13000蚊？
不過沒有最貴，只有更貴！而外國竟然有一塊餅賣成17萬港幣咁貴？唔L係呀......咩餅嚟㗎？食咗識飛咩......睇個樣咪又係普通餅一塊～
原來呢塊餅係當年鐵達尼號上面嘅求生包食糧嚟！當時呢塊餅就畀一個坐喺救援船嘅人收埋咗，諗住留為紀念，不過而家就畀一個希臘收藏家用23000蚊美金投咗嚕～
毛毛喺到諗......如果呢單嘢畀強國人知道之後，可能淘寶又有一堆山寨鐵達尼號餅面世嚕～
封面圖片來源：itv.com
資料來源：itv.com、geeksofdoom.com
回帶又回帶：【超貴瑞士卷】香港到底咩世界？
