2015年10月29日 星期四
【毒L識食】杯麵淨低啲湯可以咁用
可憐嘅毛毛成日都要一個人晚餐，有時坐茶記，有時食M記，再唔係就返屋企對住電腦食杯麵......YO！食杯麵咋嘛，洗乜驚呀～杯麵呢樣咁偉大嘅發明，真係陪毛毛渡過咗唔少寂寞嘅晚上！不過可能毛毛大食啦，一個杯麵又唔夠飽，兩個又多得濟喎，都唔知點好......但而家終於有日本網民發明咗一個完美嘅解決方法，秒訣就係利用你哋食杯麵淨低嘅湯！
「杯麵湯叮蛋蛋」製作方法
1. 準備一個可以放入微波爐嘅杯／碗
2. 將杯麵淨低嘅湯同蛋蛋以4：1嘅比例放入個杯／碗度
3. 再放入微波爐用500W叮2-3mins
呢味杯麵湯叮蛋蛋，既可以等自己有個暖笠笠嘅冬天，又可以補充毒L最缺乏嘅蛋白質，真係毒L恩物！溫提：如果想口感硬身啲，毒L們仲可以按個人口味調較湯同蛋蛋嘅比例㗎～
不過咁，而家冬天都唔凍嘅，就嚟11月仲熱到hihi咁......嗱，熱有熱食，凍有凍食～唔鍾意食熱嘅咪整返條杯麵雪條囉！
