嗱，現代人，毛毛嚟問你，平開睇開咩書多呀？嗱，九成實答我面書啦！後生仔，書中自有黃金屋呀，睇多啲書個人先有營養，識起女仔上嚟先多話題㗎嘛，你睇毛毛，幾一表人才？

香港地租金貴，大家又愈嚟愈少睇書，書店仔生意難做。就好似西環嘅精神書局咁，都喺早幾日結業喇。

最近網絡作家史兄搞咗叫「你買書、我埋單」嘅送書活動，鼓勵後生仔睇多啲書，同埋支持下香港嘅小書店呀！咁有意義嘅活動，毛毛身為一個真文青，梗係要十卜十卜啦，睇下有咩規則先～

好彩毛毛未夠25歲，仲零經濟能力啫～又唔使做讀書報告，又有書睇，真係幾好喎～毛毛填form入伍就試得多，填form有人送書畀我真係第一次，唔講住喇，睇定想買咩書先！

封面圖片、資料來源：Relgitsjg - 史兄