睇過齊昕bb Halloween大鬧老蘭一役之後，毛毛先知原來佢除咗係暗黑民主女神，仲係一個咁重情重義嘅人！Halloween嗰晚龍蝦帶埋幾個講英文嘅大隻叔叔去接齊昕公主回宮，記者朋友梗係跟到實起勢咁影啦，成晚啲閃光燈都閃個唔停。

但係齊昕bb就唔太滿意記者朋友影到佢啲FD子，毫不掩飾咁大嗌：「有冇搞L錯呀你哋！唔好影我朋友好冇呀！唔好影我朋友呀！」，仲話「影我朋友真係殺死你哋」、「我打Q死你……仆街」，飲到咁醉，面對咁混亂嘅場面仲不忘保護朋友，係抵讚嘅。

噚晚齊昕bb仲喺IG post咗張兩隻鹿仔瀨嘢嘅相，話就算同朋友闖禍，但至少大家係喺埋一齊，仲話”That’s what friends are for, fucking everything up with” ?！睇嚟 齊昕bb真係好重情，不過係友情個情，唔係親情個情呀下。

而689呢？佢噚日就好似咩事都冇發生過咁，淡淡定定咁些牙佢調理農務嘅相，仲換埋profile pic?。唔通梁爸爸已經放棄咗齊昕bb，覺得生條秋葵好過生佢！？

封面圖片來源：蘋果日報、leung.chai.yan/instagram

資料來源：蘋果日報、leung.chai.yan/instagram、CY Leung/facebook

延伸閱讀：睇見齊昕摑母，你有咩反應？