正所謂「打者愛也」，齊昕一巴再一巴咁hi落慈母龍蝦塊面度，其實係愛的表現啊！而且，呢兩巴掌原來係「梁家掌」嘅真傳嚟㗎（好似係）！

政治評論員鍾祖康收到689前同事嘅信，表示當年一大班同事一齊開心大旅行嘅時候，齊昕嘅哥哥想食雪糕，結果雪糕就食唔到，但就食咗一巴。雖然齊昕當時年紀小，太年輕，但係佢一直冇忘記過老竇嘅教導，自細就練習梁家掌。

而喺萬聖節當晚，齊昕終於有機會使出多年習掌嘅功力，由出掌嘅timing、速度、力度到頻率都控制得純熟自如、駕輕就熟！689實在應該為囡囡學有所成而感恩呀！

另外，齊昕一直將老竇嘅說話銘記於心，而且仲識舉一反三，靈活應用。就好似689早前話機場跑道「三條總好過兩條」咁，齊昕聽完就明白到「兩巴總好過一巴」，所以今次咪連出兩掌囉，有個咁聽話、「孝義永在心」嘅囡，689又要再感恩喇！

其實呢啲我hi你hi我嘅家庭小情趣好平常啫，「愛之深，打之切」，我覺得齊昕愛得未夠深?呀，打得嗰兩巴，你睇心姐一出就出咗廿幾巴喇！

而事後，689嘅facebook就貼咗幾張種米相，啲人話佢掛住種米都冇回應，其實佢咪答咗大家囉：「種米得米、種巴咪得巴」囉（好似係）！

封面圖片來源：蘋果日報

來源：鍾祖康、梁振英